सरपंचाच्या घरी पाणी नाही; जलजीवन मिशनचे तीनतेरा
अक्राणी :- तालुक्यातील शेलदा गावातील महिलांना हंडाभर पाण्यासाठी वनवन भटकावे लागत आहे. डोंगरदऱ्यातून पिण्यासाठी हंडाभर पाणी आणावे लागत आहे.डोंगरदोऱ्याची एवढी बिकट वाट आहे की, हंडाभर पाणी आणताना वाटतेच पाण्याचा हंडा अर्धा हंडाच पाणी पोहचते.हर घर नल चा दिंडोरा पेटवत सरकार देशभर जलजीवन मिशन योजना राबविण्यात आहे.या योजनेतून प्रत्येक व्यक्तीला शुद्ध पाणी प्यायला मिळाले पाहिजे, प्रत्येक घराला शुद्ध पाणी पोहोचवणे हा मुख्य उद्देश असला तरी शेलदा सारख्या आदिवासी दुर्गम भागात जलजीवन मिशन योजना नुसती कागदपत्रीच पोहचली आहे.पाणी मात्र पोहोचलेच नाही.या गावाची एकूण १००९ लोकसंख्या आहे. गावाला स्वतंत्र ग्रामपंचायत आहे गावाचे सरपंच दुर्गाबाई रेहमल पावरा यांच्याघरातच जलजीवन मिशन अंतर्गत पाणी पोहोचले नसल्याची धक्कादायक बाब समोर आली आहे.
सरपंच बाईलासुध्दा हंडाभर पिण्यासाठी वणवण भटकावे लागते. या गावाचे सापऱ्यापाडा,बारीबारी व बर्डीपाडा अशा ३ पाड्यात लोक राहतात जलजीवन मिशन योजनेंतर्गत फक्त सापऱ्यापाडा येथे ३ टाक्या बांधण्यात आल्या आहेत बारीपाडा व बर्डीपाडा येथे हि योजना पोहोचलीच नाही गावांत लहान बालकांसाठी अंगणवाडी आहे. या मुलांना पोषण आहार शिजवण्यासाठी पाणी मिळत नाही, अंगणवाडी सेविकांना डोंगदऱ्यातून हंडाभर पाणी आणून आहार शिजवून घ्यावा लागतो.पाण्याची सोय झाल्यावर पोषण आहार चांगल्याप्रकारे शिजवून देता येईल, बालकांना पाणी प्यायला मिळेल,पाण्याची सोय झाली तर अनेक समस्या सुटतील, असे अंगणवाडी सेविका म्हणत आहेत. या गावांत २ जिल्हा परिषद शाळा व अंगणवाडी आहेत, परंतु शाळा व अंगणवाडी इमारत बांधकाम करण्यास वनविभाग परवानगी देत नाहीत. ग्रामपंचायत इमारत बांधण्यासही वनविभाग अडथडा निर्माण करते पाण्यासाठी ह्यडपंप वनविभाग खोदू देत नाहीत जमीन नावावर करवी,पाण्याची सोय करावी, वीज उपलब्ध करून द्यावी, शाळा, अंगणवाडी ग्रामपंचायत इमारत बांधू द्यावे,अशी मागणी ग्रामस्थ करीत आहेत यावेळी बिरसा फायटसचे राष्ट्रीय अध्यक्ष सुशीलकुमार पावरा धडगाव तालुकाध्यक्ष सुनील तडवी, शेलदा गावातील तुवाज्या पावरा,प्रताप पावरा, राजेंद्र पावरा, दारासिंग पावरा, दिलवरसिंग पावरा,वेल्ला पावरा,डोग्या पावरा,छोटा पावरा,वोपारी पावरा,गिसली पावरा,मिना पावरा,सेवी पावरा,दमणी पावरा,आदि ग्रामस्थ मोठ्या संख्येने उपस्थित होते.
