धडगांव येथील महाविद्यालयीन विद्यार्थ्यांना आदिवासी समुदायाच्या समस्यांबाबत जागरूकता, नेतृत्व विकासासाठी प्रेरणा

धडगाव :- धडगांव येथील ज. पो. वळवी. महाविद्यालयीन विद्यार्थ्यांमध्ये सामाजिक जबाबदारी आणि नेतृत्व गुणांची जोपासना करण्याच्या उद्देशाने आयोजित विशेष हिवाळी श्रमसंस्कार शिबिरात "यूथ फॉर माय भारत" आणि "यूथ फॉर डिजिटल लिटरसी" या संकल्पनांच्या पार्श्वभूमीवर आयोजित या शिबिरात ट्रायबल व्हॉईस फाऊंडेशन धडगांव या सेवाभावी संस्थेच्या वतीने बौद्धिक सत्र अंतर्गत विद्यार्थ्यांना *"लीडरशिप डेवलपमेंट"* या विषयावर मार्गदर्शन करण्यात आले. या सत्रात प्रकल्प व्यवस्थापक श्री. शैलेन्द्र वळवी व प्रकल्प समन्वयक श्री. आकाश पावरा यांनी प्रमुख मार्गदर्शक म्हणून मार्गदशन केले. या वेळी आदिवासी समुदायाच्या विविध सामाजिक समस्यांवर प्रकाश टाकण्यात आला. विद्यार्थ्यांना आदिवासी समाजाच्या सांस्कृतिक, सामाजिक आणि आर्थिक परिस्थितीची सखोल माहिती देण्यात आली. या समस्यांच्या मुळाशी जाऊन त्यांच्या निराकरणासाठी विद्यार्थ्यांमध्ये एक जबाबदारीची भावना निर्माण करण्याचा प्रयत्न करण्यात आला.

नेतृत्व विकासाची प्रेरणा:

या कार्यक्रमात विद्यार्थ्यांना नेतृत्वाची संकल्पना स्पष्ट करण्यात आली. त्यांना सांगण्यात आले की, नेतृत्व म्हणजे केवळ पदवी धारण करणे नव्हे, तर समाजातील प्रत्येक व्यक्ती नेतृत्व करू शकते. आपल्या विचारांच्या, कल्पनांच्या आणि कृतींच्या माध्यमातून आपण समाजात बदल घडवून आणू शकतो.

*आदिवासी समाजाच्या समस्या:*

ट्रायबल व्हॉईस फाऊंडेशनच्या प्रतिनिधींनी आदिवासी समाजासमोरील विविध समस्यांचा आढावा घेतला. यामध्ये शिक्षण, आरोग्य, रोजगार, स्थलांतर, बेरोजगारी, व्यसनाधीनता, बालविवाह, बालमजुरी, पर्यावरण विषयी आणि सांस्कृतिक संवर्धन यासारख्या मुद्द्यांवर सविस्तर चर्चा करण्यात आली.

*विद्यार्थ्यांची प्रतिक्रिया:*

       या कार्यक्रमात सहभागी झालेल्या विद्यार्थ्यांनी या कार्यक्रमाचे कौतुक केले. त्यांना आदिवासी समाजाच्या समस्यांबाबत अधिक जागरूकता आली आहे. त्यांनी या समस्यांच्या निराकरणासाठी स्वतःची भूमिका निभाण्याची तयारी दर्शवली.

*शिक्षकांचे मत:*

या कार्यक्रमाचे आयोजन करणारे प्रा. सुनिल शिंदे, प्रा. राठोड यांनी ट्रायबल व्हॉईस फाऊंडेशन चे आभार व्यक्त केले, आणि विद्यार्थ्यांना कार्यक्रमाचे महत्त्व सांगितले की, अशा प्रकारचे कार्यक्रम विद्यार्थ्यांमध्ये सामाजिक जबाबदारी आणि नेतृत्व गुणांची जोपासना करण्यास मदत करतात. असे कार्यक्रम वेळोवेळी झाले पाहिजे आणि युवकांच्या मनावर लीडरशिप ची भावना रुजवली गेली पाहिजे. 

*भविष्यातील योजना:*

ट्रायबल व्हॉईस फाऊंडेशनने भविष्यात अशा प्रकारचे कार्यक्रम अधिकाधिक आयोजित करण्याची योजना आखली आहे. याशिवाय, ते विद्यार्थ्यांना आदिवासी गावांमध्ये भेट देऊन प्रत्यक्ष अनुभव घेण्याची संधी देण्याचा विचार करत आहेत.

       धडगांव येथील महाविद्यालयीन विद्यार्थ्यांमध्ये आयोजित या कार्यक्रमाने आदिवासी समुदायाच्या समस्यांबाबत जागरूकता निर्माण करण्यात ट्रायबल व्हॉईस फाऊंडेशन ने महत्त्वपूर्ण भूमिका बजावली आहे. या कार्यक्रमामुळे विद्यार्थ्यांमध्ये नेतृत्व विकासाची भावना निर्माण झाली आहे. ते आता आदिवासी समाजाच्या उन्नतीसाठी काम करण्यास उत्सुक आहेत.