प्रकाश नाईक
नंदुरबार जिल्हा प्रतिनिधी
मो. 📱 9511655877
नंदुरबार :- समता शिक्षण संस्था पुणे संचलित डॉ. बाबासाहेब आंबेडकर समाजकार्य महाविद्यालय मोराणे येथे राष्ट्रीय सेवा योजना विभागाच्या मार्फत आज दि. 1 ऑक्टोबर 2023 रोजी महाविद्यालय परिसरात " स्वच्छता ही सेवा " कार्यक्रम अंतर्गत राष्ट्रीय सेवा योजनेच्या स्वयंसेवकांनी श्रमदान करून वृक्षारोपण केले होते. तसेच, गवत आणि झुडपे काढून स्वच्छता करण्यात आली. शैक्षणिक वर्ष 2023 -24 चे BSW, MSW चे प्रथम वर्ष व द्वितीय वर्षातील विद्यार्थी व डॉ. बाबासाहेब आंबेडकर समाजकार्य महाविद्यालयाचे प्राचार्य प्रा. डॉ. रघुनाथ महाजन सर यांच्या हस्ते हे वृक्षारोपण करण्यात आले, तसेच प्रा. डॉ. गोपाळ निंबाळकर, प्रा. डॉ. सुवर्णा बर्डे, आणि प्रा. डॉ. राजेंद्र बैसाणे सर यांच्या हस्ते झाडे लावण्यात आली होती. विद्यार्थ्यांनी सुद्धा काही झाडे लावले होते. आज एकूण 20 वृक्षांचे रोपण करण्यात आले, श्रमदान नंतर सर्वांना अल्पोपहार देण्यात आला या कार्यक्रमात एकूण 81 स्वयंसेवक सहभागी झाले होते.तसेच झाडे लावून झाल्यावर वेगवेगळ्या घोषणाबाजी करण्यात आली होती.
जोडो जोडो,भारत जोडो, जात पात के बंधन तोडो, भारत जोडो भारत जोडो,
झाडे लावा, झाडे जगवा, हम सब, एक है अशा प्रकारे विदयार्थ्यांनी घोषणाबाजी केली होती. त्यामुळे उपक्रमाची शोभा वाढली होती.
यावेळी समाजकार्य महाविद्यालयाचे प्राचार्य प्रा. डॉ. रघुनाथ महाजन, प्रा. डॉ राजेंद्र बैसाणे, प्रा. डॉ. गोपाल निंबाळकर प्रा. डॉ. सुवर्णा बर्डे आणि BSW. MSW चे विद्यार्थी उपस्थित होते.
